Ամենայն Հայոց Կաթողիկոսը Միացյալ Նահանգների դեսպանի հետ քննարկել է Արցախի սրբավայրերի պղծման և ոչնչացման փաստագրված միջադեպերը:
Հանրապետության նախագահը հանդիպել է ԱԺ խմբակցություններում չընդգրկված մի խումբ պատգամավորների հետ. անդրադարձել են ներքաղաքական իրավիճակին, արտահերթ խորհրդարանական ընտրությունների անցկացմանը:
The Halo Trust կազմակերպության կողմից Արցախում լրտեսություն իրականացնելու, թուրքական հատուկ ծառայություններին Արցախի ականապատված տարածքների քարտեզը փոխանցելու դեպքի քրգործը վարույթ է ընդունվել. հայտնում է Արցախի քննչական կոմիտեն:
Իսրայելացի վերլուծաբանները Միացյալ նահանգների և Իսրայելի կառավարություններին հորդորում են ճանաչել Հայոց ցեղասպանությունը: Թեմային անդրադարձել է Jerusalem Post-ը:
Օրվա կորոնաթիվը. հաստատվել է կորոնավիրուսային հիվանդության 750 նոր դեպք: Ունենք 509 առողջացած և 21 մահվան դեպք:
