ԱՄՆ Ալաբամա նահանգում նորից մոլեգնել է ավերիչ տորնադոն, ինչի հետևանքով 5 մարդ է զոհվել, կան տասնյակ վիրավորներ՝ գրում է CNN-ը:
Մարտի 25-ին Ալաբամայում գրանցվել է 14, իսկ Միսիսիպիում՝ մեկ տորնադո՝ հայտնում է Եղանակի ազգային ծառայությունը: Փոթորիկն ավերել է 30-ից 50 տուն ու շինություն, շրջել հսկայական ծառեր ու հեռագրասյուներ: Պտտահողմի հետևանքով հարավ-արևելքում գրեթե 55 հազար մարդ մնացել է առանց էլեկտրականության, այդ թվում՝ ավելի քան 36 հազարը՝ Ալաբամայում: Իշխանությունները շարունակում են զոհերի որոնումները և վնասների գնահատումը: