Հունգարիայում հայ ըմբիշ Վազգեն Թևանյանը ջախջախել է ադրբեջանցի մարզիկին՝ դառնալով ոսկե մեդալակիր

Հունգարիայի մայրաքաղաք Բուդապեշտում ընթացող վարկանիշային մրցաշարում ազատ ոճի ըմբիշ Վազգեն Թևանյանը (65 կգ) 9:0 հաշվով ջախջախել է աշխարհի եռակի չեմպիոն և օլիմպիական խաղերի փոխչեմպիոն, ադրբեջանցի Հաջի Ալիևին: Թևանյանը դարձել է մրցաշարի ոսկե մեդալակիր:

Հիշեցնենք՝ Վազգեն Թևանյանը մեկնարկային գոտեմարտում պարտության էր մատնել Բուլղարիայի ներկայացուցիչ Վլադիմիր Դուբովին՝ 11։0, ապա 1/8 եզրափակչում 7։5 հաշվով հաղթել է Նյուրգուն Սկրայբինին (Բելառուս): Քառորդ եզրափակչում աշխարհի գավաթի անհատական խաղարկության չեմպիոնը համառ պայքարում 6։4 հաշվով պարտության էր մատնել օլիմպիական խաղերի չեմպիոն Վլադիմեր Խինչեգաշվիլուն (Վրաստան), իսկ կիսաեզրափակչում հաղթել էր Մագոմեդմուրադ Գաջիևին (Լեհաստան)՝ 4։2։

Դիտումների քանակ4918