Հայաստանում քրդական համայնքի ներկայացուցիչներն այսօր հավաքվել են Ազատության հրապարակում՝ «Կեցցե՛ Օջալանը», «Թուրքիա՛, ահաբեկի՛չ», «Էրդողա՛ն, ֆաշի՛ստ» վանկարկումներով քայլել դեպի ՄԱԿ-ի հայաստանյան գրասենյակ: Թուրքական լրատմամիջոցներից քրդերը տեղեկացել են, որ իրենց առաջնորդ Աբդուլլահ Օջալանը, որը ցմահ ազատազրկման է դատապարտվել թուրքական իշխանության կողմից, մահացել է:
Նրանք միջազգային կառույցից պահանջել են լռությամբ չհետևել Թուրքիայի գործողություններին, օգնել, որ Օջալանի փաստաբանները կարողանան բանտ գնալ և տեղեկանալ իրենց ղեկավարի առողջական վիճակի մասին:
