Reuters լրատվական գործակալությունը հաղորդել է, որ Իրանը Նաթանզի միջուկային համալիրում սկսել է ուրանի հարստացումը` առաջադեմ IR-4 ցենտրիֆուգներով: Գործակալության համաձայն` 2021 թ. մարտի 15-ին Ատոմային էներգիայի միջազգային գործակալությունը հաստատեց, որ Իրանը գազ է լիցքավորել 174 IR-4 ցենտրիֆուգներից բաղկացած կասկադի մեջ, որոնք նախկինում տեղադրվել էին ուրանի հեքսաֆլորիդի (UF6) հարստացման վայրում:
Ըստ Reuters-ի՝ Իրանը նախկինում ավելացրել էր IR2m սարքերի քանակը, որոնք շատ ավելի արդյունավետ են, քան ստորգետնյա տարածքում տեղադրված IR-1 ցենտրիֆուգները:
