Ղազախստանում ավիավթարի է ենթարկվել ռազմական Ան-26 օդանավը: Նախնական տեղեկության համաձայն՝ օդային աղետի հետևանքով մահացել է չորս մարդ՝ փոխանցում է РИА Новости-ն:
Հանրապետության ԱԻՆ մամուլի ծառայությունից հայտնել են, որ ևս երկու հոգի տեղափոխվել են մոտակա հիվանդանոց:
Գերատեսչության հավաստմամբ՝ Նուրսուլթան-Ալմաթի չվերթ իրականացնող ռազմական օդանավն անհետացել էր ռադարների էկրանից և վթարային վայրէջք կատարել Ալմաթիի օդանավակայանում: Դեպքի վայր է ժամանել շտապօգնության տասը մեքենա: Վթարը տեղի է ունեցել վայրէջքի պահին: Ռազմական օդանավում եղել է վեց ուղևոր:
