Ֆրանսիայում ավիավթարի հետևանքով մահացել է երկրի ամենահարուստ մարդկանցից մեկը՝ միլիարդատեր և քաղաքական գործիչ Օլիվիե Դասոն: Նրա կարողությունը գնահատվել է 7 միլիարդ եվրո: Դասոյի ուղղաթիռը վթարի է ենթարկվել երկրի հյուսիս-արևմուտքում, 69-ամյա միլիարտատերը որպես օդաչու սահմանել էր արագության մի քանի ռեկորդ՝ հայտնում է bbc-ն:
Դասոն Dassault Aviation ավիաընկերության արտադրող (ներառյալ Rafale ռազմական ինքնաթիռները) և Le Figaro թերթի սեփականատեր Սերժ Դասոյի ավագ որդին էր: 2002 թվականին նա ընտրվել էր Ֆրանսիայի խորհրդարանի պատգամավոր և դադարել զբաղվել բիզնեսով՝ շահերի բախումից խուսափելու համար:
