2008-ի մարտի 1-ի զանգվածային անկարգությունների ժամանակ սպանված Արմեն Ֆարմանյանի հայրը Հանրապետության հրապարակում մեկնարկելիք հանրահավաքից առաջ «Լուրեր»-ի հետ զրույցում անդրադարձավ Մարտի 1-ի գործով դատական նիստերին ու դատաքննության ձգձգմանը:
«Փաստաբանների ներկայացրածը լիովին չի համապատասխանում իրականությանը: Քաղաքի կենտրոնում գնդակահարվել է 10 հոգի: Եվ հիմա ուզում են դա շարունակել»,- նշեց Վաչագան Ֆարմանյանը՝ խնդրելով ամեն բան անել մեր ռազմագերիների վերադարձի համար, որը Մարտի 1-ի զոհերի հարազատների համար ամենից մեծ նվերը կլինի:
