Փետրվարի 27-ից 28-ն ԱԻՆ ՓԾ ճգնաժամային կառավարման ազգային կենտրոնում 5 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ:
Մասնավորապես՝ Արագածոտնի մարզի Ապարան քաղաքում, Գեղարքունիքի մարզի Սևան քաղաքում, Վայոց ձորի մարզի Եղեգիս գյուղում, Վայք-Հերհեր ավտոճանապարհին։
Դեպքի վայր ժամանած փրկարարներն արգելափակումից դուրս են բերել 5 ավտոմեքենա և 14 քաղաքացու ցուցաբերել համապատասխան օգնություն։
