Լիտվայի Հայերի Միությունը իր մտահոգությունն է հայտնել Հայաստանի պետականության համար այս օրհասական պահերին պետական մարմինների միասնությունը խաթարող, Հայաստանի Հանրապետության կառավարելիությանը վնասող գործընթացների կապակցությամբ։ Այս մասին իր ֆեյսբուքյան էջում հայտնել է Լիտվայի հայերի միության ղեկավար Արայիկ Թունյանը։
«Հայ ժողովրդին կոչ ենք անում միանալ ոչ թե ապակառուցողական և պետության հիմքերը խարխլող օրակարգերին, այլ ազգային և պետական ինստիտուտները միավորող, ստեղծարար ներուժը համախմբող կառուցողական գործընթացներին։ Պետական իշխանության ձևավորման հարցի լուծման միակ ողջամիտ և օրինական եղանակը ժողովրդի ազատ կամարտահայտության միջոցով պետական ինստիտուտների ձևավորումն է։
Միասնություն և ողջախոհություն բոլորիս։
Հայտարարությունը բաց է Սփյուռքի մեր հայրենակիցների և կառույցների կողմից միանալու համար»,- ասված է հայտարարության մեջ։
