Լոռու մարզպետարանում, ՀՀ կրթության տեսչական մարմնի 2021 թվականի աշխատանքային ծրագրով հաստատված ստուգումներին ընդառաջ, այսօր տեղի է ունեցել աշխատանքային քննարկում՝ Լոռու մարզպետ Արամ Խաչատրյանի և տեսչական մարմնի ղեկավար Ալեքսանդր Շագաֆյանի գլխավորությամբ՝ մարզի 13 դպրոցների տնօրենների մասնակցությամբ:
Քննարկման ընթացքում, մասնավորապես, նշվել է, որ 2021 թվականը Կրթության տեսչական մարմինը հռչակել է անցումային-վերականգնողական, և որ այս տարի տեսչական մարմնի կողմից ուշադրության կենտրոնում առավելապես հայտնվել է մաթեմատիկա առարկան՝ պայմանավորված այն հանգամանքով, որ վերջին տարիներին իրականացրած ուսումնասիրությունները՝ երեխաների կողմից մաթեմատիկա առարկայի իմացության հետ կապված, բավականին մտահոգիչ են:
Տնօրեններին ներկայացվել են ստուգումների արդյունքում ի հայտ եկած խնդիրները:
