Ըստ ոստիկանության օպերատիվ հաղորդագրությունների ամփոփագրերի` փետրվարի 12-15-ը Հայաստանի Հանրապետության ոստիկանության ստորաբաժանումները բացահայտել են հանցագործության 175 դեպք, որից 10-ը՝ նախկինում կատարված։
Մասնավորապես, բացահայտվել է անձնական ունեցվածքի գողության՝ 62, մարմնական վնասվածք պատճառելու՝ 17, խարդախության` 12, ընտանեկան բռնության՝ 10, թմրանյութի հայտնաբերման` 9, բնակարանային գողության՝ 8, զենք-զինամթերքի առգրավման՝ 5, յուրացման կամ վատնման, գույքը դիտավորությամբ վնասելու, պաշտոնեական լիազորությունների չարաշահման և թմրամիջոցներ առաքելու կանոնները խախտելու՝ 4-ական, ծեծի ու սպանության սպառնալիքի՝ 3-ական, կողոպուտի, պետական-հասարակական ունեցվածքի գողության, ապօրինի ծառահատման և պետական սահմանն ապօրինի հատելու՝ 2-ական, անձի առևանգման, խուլիգանության, իշխանության ներկայացուցիչների նկատմամբ բռնության, պոռնկությամբ զբաղվելուն նպաստելու, խնամքը ստանձնելու նպատակով երեխայի առքի և ստանձնողի խնամքին հանձնելու նպատակով երեխայի վաճառքի, պաշտոնեական կեղծիքի, անձնական կամ ընտանեկան կյանքի մասին տեղեկություններ ապօրինի հավաքելու, պահելու, օգտագործելու կամ տարածելու, 16 տարին չլրացած անձի հետ սեռական հարաբերություն ունենալու, իշխանության ներկայացուցչի նկատմամբ բռնություն գործադրելու, թմրամիջոցի ապօրինի իրացման, պատմության և մշակույթի հուշարձաններ ոչնչացնելու կամ վնասելու և անհետաձգելի միջամտության որոշման կամ պաշտպանական որոշումը դիտավորությամբ չկատարելու՝ 1-ական դեպք։
Հայտնաբերվել է 1 անհետ կորած, 10 հետախուզվող։ Կամավոր ներկայացել է 4 հետախուզվող։
Գրանցվել է զենք-զինամթերքի կամավոր հանձնման 7 դեպք։
Նախկինում կատարված հանցագործություններից բացահայտվել է անձնական ունեցվածքի գողության` 5, բնակարանային գողության՝ 3, մարմնական վնասվածք պատճառելու և գույքը դիտավորությամբ վնասելու 1-ական դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 36 պատահար. 3 մարդ զոհվել է, 47-ը՝ ստացել տարբեր աստիճանի մարմնական վնասվածքներ:
