Միացյալ Նահանգների իշխանությունները սկսել են Գուանտանամոյի բանտը փակելու գործընթացը: Այս մասին տեղեկացնում է ԱՄՆ ազգային անվտանգության խորհրդի պաշտոնական ներկայացուցիչ Էմիլի Հորնը՝ փոխանցում է Lenta.ru կայքը:
Նրա խոսքով՝ ԱՄՆ ազգային անվտանգության խորհրդում ուսումնասիրվում է ներկա իրավիճակը, որը Ջո Բայդենի վարչակազմը ժառանգել է նախորդից:
Դեռևս հունվարի 20-ին Պենտագոնի ղեկավարը հայտարարել էր Գուանտանամոյի ամերիկյան բանտը փակելու անհրաժեշտության մասին: Պենտագոնում խոստացել են հետագա գործողությունների ծրագիր մշակել բանտում պահվող 40 կալանավորների հարցով:
