Փետրվարի 10-ին Իրաքյան Քուրդիստանի Դոհուկ նահանգում Թուրքիայի զինուժի կողմից Քուրդիստանի բանվորական կուսակցության դեմ մեկնարկած ռազմական գործողությունները շարունակվում են, սակայն թուրքական զինուժը միշտ չէ, որ կարողանում է հաջողության հասնել:
Քրդական ANF News լրատվական կայքի փոխանցմամբ՝ թուրքական օդուժը Kobra տեսակի 5 հարվածային ուղղաթիռների մասնակցությամբ Sikorsky տեսակի 2 ռազմատրանսպորտային ուղղաթիռով փորձել է լրացուցիչ դեսանտներ իջեցնել Գարայի շրջան, սակայն չի հաջողել:
Նշվում է, որ քուրդ զինյալների արձակած կրակի հետևանքով թուրքական ուղղաթիռները լքել են տարածքը: Քրդական աղբյուրների հաղորդմամբ՝ «Արծվի մագիլ 2» ռազմական գործողության ընթացքում թուրքական ԶՈՒ 9 զինվորական է սպանվել:
