Ռուսաստանի արտգործնախարար Սերգեյ Լավրովը ճեպազրույցում անդրադարձել է Ռուսաստանի նկատմամբ Եվրամիության պատժամիջոցների խնդրին: Հարցին, թե արդյոք Ռուսաստանը գնում է եվրոպական այդ կառույցի հետ կապերի խզմա՞ն, Լավրովը պատասխանել է.
«Մենք պատրաստ ենք դրան, եթե տեսնենք, որ պատժամիջոցներ են կիրառվում որոշ բնագավառների, այդ թվում՝ առավել զգայուն ոլորտների նկատմամբ, որոնք ռիսկեր են ստեղծում մեր տնտեսության համար:
Մենք չենք ցանկանում մեկուսանալ արտաքին աշխարհից, բայց պետք է պատրաստ լինել դրան: Խաղաղություն ես ուզում՝ պատրաստվիր պատերազմի»:
