Ֆուտբոլի Եվրոպայի առաջնության նախաշեմին TikTok-ը հայտարարել է ՈՒԵՖԱ-ի հետ համագործակցության մեկնարկի մասին: Կարճ տեսանյութերի ստեղծման հանրաճանաչ պլատֆորմը դարձել է սպորտային աշխարհում միջազգային խոշոր իրադարձություններից մեկի գլոբալ հովանավորը:
«Մենք ուրախ ենք որպես գործընկեր ողջունելու մի ընկերության, որը վերջին մեկ տարվա ընթացքում դարձել է առաջատար զվարճալի շարժական հարթակներից մեկը»,- ասել է ՈՒԵՖԱ-ի մարքեթինգային տնօրեն Գի-Լորան Էփշտեյնը:
TikTok-ը աշխարհում զվարճանքի առաջատար մոբայլ հարթակն է, որը դարձել է Եվրոպայի առաջնության պաշտոնական գործընկեր։ Գործընկերությունը ներառում է նաև Եվրո-2020 հանդիպումների հեռարձակումը հովանավորելու իրավունքներ, որոնք կցուցադրվեն եվրոպական հեռարձակման ալիքներով՝ ասված է մամուլի հաղորդագրության մեջ:
