ՀՀ-ում ԱՀ մշտական ներկայացուցիչ Սերգեյ Ղազարյանը ս․թ․ փետրվարի 6-ին ընդունել է Լիոն քաղաքի խորհրդի անդամ Ջորջ Կեպենեկյանին և Merieux հիմնադրամի մոր և մանկան ծրագրերի ղեկավար Խելիլ Այտուին։ Հանդիպման սկզբում մշտական ներկայացուցիչը շնորհակալություն է հայտնել հյուրերին Արցախի հանդեպ ցուցաբերվող մշտական ուշադրության ու բարեգործական տարբեր ծրագրերի իրականացման համար։
Իրենց հերթին, հյուրերը պատմել են Արցախում իրականացրած վերջին բարեգործական առաքելության մասին, որի շրջանակներում Արցախի Հանրապետության Մարտունու շրջանի Խնուշինակ և Մաճկալաշեն գյուղական համայնքերի ընտանիքներին հումանիտար օգնություն է հատկացվել։
Հանդիպման վերջում կողմերը քննարկել են հետագա անելիքների ու համագործակցության հեռանկարները։
