ՀՀ առողջապահության նախարարությունը հրապարակել է «Ճամփորդի՛ր առանց Covid 19-ի» հավելվածի ներբեռնման և գործարկման վերաբերյալ ուղեցույցը:
Փետրվարի 1-ից մինչև մարտի 1-ը գործելու է «Ճամփորդի՛ր առանց Covid 19-ի» պիլոտային ծրագիրը, որով Հայաստանից Ռուսաստան և հակառակ ուղղությամբ ճամփորդելու համար ուղևորին թույլատրվում է պետական սահմանը հատել կորոնավիրուսի թեստի բացասական արդյունքի առկայության դեպքում (առավելագույնը 72 ժամ վաղեմության)։
Քաղաքացիները պետք է.
1. Ներբեռնեն բջջային հավելվածը IOS կամ Android համակարգերում։
2. Անձնագրով մոտենան ծրագրում ընդգրկված ՊՇՌ թեստավորում իրականացնող լաբորատորիա և հանձնել Covid-19 թեստ։
Թեստի արդյունքն անմիջապես կարտացոլվի հավելվածում, երբ լաբորատորիան համակարգ մուտքագրի պատասխանը։ Դրական պատասխանի դեպքում QR կոդը ստանում է կարմիր գունավորում, բացասականի դեպքում՝ կանաչ։
Թեստի բացասական պատասխանի պարագայում մեկնելուց առաջ հարկավոր է հավաստիանալ, որ հավելվածում առկա է տեղեկատվությունը և թռիչքի ժամը չի անցնում թեստի նմուշառման ժամից հաշված 72 ժամը։
Սահմանը հատելիս հարկավոր է ներկայացնել բջջային հավելվածի QR կոդը։
