Արտահերթ ընտրությունների դեպքում «Ալյանս» կուսակցությունը քաղաքական պայքարի մեջ կմտնի: Այս ուժը դեռ տարեվերջին հայտարարեց՝ իրենց նպատակը ներքաղաքական իրավիճակը փոխելն է:
Տիգրան Ուրիխանյան, «Ալյանս» առաջադիմական ցենտրիստական կուսակցության նախագահ - Շատ մոտ ապագայում հրավիրվելու է հանրահավաք ու այդ հանրահավաքի ժամանակ կհնչի հարց, կհնչի առաջարկ նաև մասնակիցների, համախոհների, համակիրների դիրքորոշումից, ժողովրդի աջակցությունից նաև կձևավորվի այդ առաջարկը ու հենց մենք կլինենք առաջարկողներից մեկը:
Ուրիխանյանն ուզում է, որ իր խոսքով՝ այս խառնիճաղանջ իրավիճակում ընդդիմադիր ուժերի քայլերը ժողովրդին չխաբեն ու չմոլորեցնեն: Կուսակցության առաջնորդը վստահեցնում է՝ «Ալյանսը» նպաստելու է համընդհանուր դիրքորոշման ձևավորմանը.
Տիգրան Ուրիխանյան - Նախկինին վերադարձ չի կարող լինել, ինչպես ասում են նախկինների կարկառուն ներկայացուցիչները, բայց որ գործող իշխանություններն ունեցել են երեք տարվա հնարավորություն, նախևառաջ պատասխանատվության ենթարկելու, պատժելու բոլոր մեղքերի մեջ մեղավորներին, երկրորդ հերթին՝ վիճակը կայունացնելու, երրորդ հերթին՝ արդարության հասնելու:
«Ալյանս» քաղաքական ուժը միութենական նոր ձևաչափով՝ Ռուսաստանի հետ համատեղ զորքեր ունենալով է պատկերացնում երկրի անվգանգությունը, առաջարկում ճանապարհային քարտեզ:
Սոնա Գուլքանյան, «Ալյանս» կուսակցության վարչության անդամ - ՀՀ տարածքում ռուսական բազայի ընդլայնում, համատեղ կառավարում։ Այդ ռազմաբազայում հայակակն զորքերի վերապատարստում, նորակոչիկների ուսուցանում, սահմանապահ զորքեր: Անվտանգության ռուս-հայկական նոր պայմանագրի կնքում:
«Ալյանսի» առաջնորդն ասում է՝ թե՛ նախկինների, թե՛ ներկաների ժամանակ տարիներ շարունակ եղել են սխալներ, անարդյունավետ ու չարդարացված կառավարում: Չհաշված՝ 44-օրյա պատերազմը:
Տիգրան Ուրիխանյան - Այս ամենի պատասխանատուն իշխանությունն է, այս ամենի պատասխանատուն վարչապետն է և այդ պատասխանատվությունն, ինչպես բազմիցս հնչել է, նախևառաջ պիտի դրսևորվի հրաժարականով:
Արտահերթ ընտրությունները պե՞տք է լինեն, թե՞ ոչ, Ուրիխանյանը պատասխանում է՝ այդ հարցի պատասխանը, նախևառաջ, պետք է ժողովուրդը տա: Իսկ եթե ժողովուրդն այդպես որոշի, իրենք կմասնակցեն ու կպայքարեն հաղթանակի համար:
