Իրենց տունն ու գույքը կորցրած քաշաթաղցիները Կառավարության դիմաց բողոքի ակցիա են իրականացնում՝ պահանջելով վարչապետի հետ հանդիպում:
Քաշաթաղցիները նշել են, որ արդեն մի քանի ամիս է՝ Հայաստանում ապրում են վարձով, հիմա կորցրած գույքի փոխհատուցում են պահանջում:
Նրանց խոսքով՝ իրենց բողոքը քաղաքականացված չէ, պարզապես ցանկանում են հստակեցնել իրենց կարգավիճակը:
«Մեր խնդիրը տուն-կացարան ունենալն է: Մինչև ե՞րբ մենք պետք է այստեղ բարեկամների տանը ապրենք՝ պարզ չէ: Սա հարցի լուծում չէ: Մենք չգիտենք՝ 4 օրով, թե 4 ամսով ենք նեղություն տալու մարդկանց»,- ասել է ակցիայի մասնակիցներից Ինա Բաբայանը:
Բողոքի ակցիայի մասնակիցներին ընդունել է վարչապետի օգնականը՝ խոստանալով մինչև չորեքշաբթի հանդիպում կազմակերպել փոխվարչապետ Մհեր Գրիգորյանի հետ։
