Բարձր տեխնոլոգիական արդյունաբերության նախարար Հակոբ Արշակյանը Կառավարության այսօրվա նիստին նշեց, որ հաշմանդամություն ստացած զինծառայողների համար, որոնք ունեն տեղաշարժի խնդիրներ, կարևորագույն ուղղություններից կարող է լինել IT ոլորտում կրթություն ստանալը:
«Արդեն մասնավոր ընկերություններ կան, որոնք հայտարարել են այդպիսի ծրագրերի մասին և պատրաստակամություն հայտնել վերամասնագիտանալու համար հավելյալ կրթական ծրագրեր իրականացնել անվճար: Նաև նախարարությունն ունի այդպիսի վերամասնագիտացման ծրագրեր, և հատուկ ուղղություն է այս խմբի մեր զինհաշմանդամներին ուղղված ծրագիրը, որը շուտով կհայտարարենք, և հազարավոր մարդկանց համար հնարավորություն կստեղծվի IT ոլորտում կրթություն ստանալ՝ սկսնակից մինչև ավելի մասնագիտական ուղղահայացների անցնելով: Նաև իրենց ծառայությունները մատուցել շուկայում ու գումար վաստակել»,- նշեց նախարարը:
