Այսօր դաշնակահար, մանկավարժ, ՀԽՍՀ վաստակավոր արտիստ Վիլլի Սարգսյանը բոլորում է ծննդյան 90-ամյակը:
Վիլլի Սարգսյանն իրավամբ հայ երաժշտարվեստի այն երախտավորներից է, որն իր տաղանդի և անմնացորդ նվիրումի շնորհիվ կատարողական արվեստը հասցրել է նոր բարձունքի՝ պարգևելով հոգևոր, մշակութային մնայուն արժեքներ:
Նա՝ որպես մենակատար, ելույթ է ունեցել աշխարհահռչակ դիրիժորների, իսկ որպես կոնցերտմայստեր՝ միջազգային ճանաչում ունեցող մենակատարների հետ: Լայն և չափազանց կարևոր կիրառում են ստացել Վիլլի Սարգսյանի՝ Կոմիտասի երգերի, Արամ Խաչատրյանի բալետների, Վլադիլեն Բալյանի ռոմանսների հրատարակած ընտրանու կոնցերտային փոխադրությունները դաշնամուրի համար:
Անգնահատելի է նաև Վիլլի Սարգսյանի ներդրումը մանկավարժության ասպարեզում: Նա, իր հարուստ փորձն ու գիտելիքները փոխանցելով երիտասարդ սերնդին, նպաստել է նրանց մասնագիտական կայացմանն ու դեպի հեղինակավոր բեմեր ուղղորդելուն:
ԿԳՄՍ նախարարությունը հոբելյանի առթիվ շնորհավորում է Վիլլի Սարգսյանին և մաղթում քաջառողջություն և ամենայն բարիք:
