Եթե խոսքը վերաբերում է Խծաբերդի գերիներին, ապա Բաքուն հաստատել է թվաքանակը՝ թվով 62. այս մասին հայտարարեց ԱԺ «Իմ քայլը» խմբակցության պատգամավոր Նազելի Բաղդասարյանը՝ այսօրվա ասուլիսի ժամանակ:
«Անունների անվանական ճշգրտում, իդենտիֆիկացիա այս պահին դեռևս չունենք: Արդեն հաստատել են, որ տեղափոխվել են Բաքու: Հաջորդ գործընթացը պետք է լինի նույնականացումն անուններով և արդեն վերադարձի ժամկետների քննարկումը:
Գեներալ Մուրադովի հետ հանդիպման ընթացքում փորձել ենք հասկանալ՝ ինչպիսի զարգացումներ կունենան գործընթացներըը: Ծնողներ ևս ներկա են եղել հանդիպմանը: Խիստ նախնական տվյալներով՝ ընթացիկ շաբաթվա ընթացքում պետք է այց կատարվեր Բաքու, որից հետո արդեն ժամկետների և պայմանների մասին ավելի հրապարակային տեղեկատվություն կլինի»,- նշեց Բաղդասարյանը:
