«Սիրելի՛ տավուշցիներ, այսօր հերթական ապատեղեկատվությունն են տարածում մեր գյուղերի իբր հանձնման վերաբերյալ՝ չհասկանալով, թե ինչքան վտանգներ կարող են լինել իրենց այս ինքնահաստատման հետևանքով։ Չեն մտածում այն հույզերի մասին, որ կարող է ունենալ սահմանում ապրող մարդը՝ կարդալով նման լրատվություն։
Սա անպատասխանատվության գագաթնակետ է։ Մեր իրավապահ համակարգը պարտավոր է խստագույն միջոցներ ձեռնարկել։
Սիրելի՛ ժողովուրդ, խնդրում եմ հանգիստ եղեք, մեր սահմանները ամուր են մեր բանակով, մեր ժողովրդով, մեր կամքով ու աշխատանքով»,- Ֆեյսբուքի իր էջում գրել է Տավուշի մարզպետ Հայկ Չոբանյանը:
Ավելի վաղ հայտնել էինք՝ ՀՀ պաշտպանության նախարարությունը հերքում է տեղեկությունները, թե Տավուշի մարզի երկու գյուղեր անցնելու են Ադրբեջանի վերահսկողության տակ:
