Իրավիճակի սրման ռիսկեր կարող են ստեղծվել Անդրկովկասում, Մերձավոր Արևելքում, Աֆրիկայում և աշխարհի այլ տարածաշրջաններում: Այդ մասին հայտարարել է ՌԴ նախագահ Վլադիմիր Պուտինը` Ռուսաստանի ՊՆ կոլեգիայի ընդլայնված կազմով նիստի ընթացքում ելույթի ժամանակ՝ գրում է
EADaily լրատվականը:
«ՆԱՏՕ-ի ռազմական ակտիվությունը չի դադարում: Ցավոք, սպառազինության կառավարման համակարգի հետընթացը շարունակվում է»,- ասել է Կրեմլի ղեկավարը: «ԱՄՆ-ն արհեստական պատրվակներով արդեն դուրս է եկել ՀՕՊ, Ռուսաստանի միջազգային գործերով խորհրդից և բաց երկնքի մասին համաձայնագրերից: Հստակություն չկա նաև Ռազմավարական զենքի կրճատման պայմանագրի վերաբերյալ, որի ժամկետը լրանում է 2021 թվականի փետրվարին: Մենք հայտարարել ենք այս համաձայնագիրը երկարաձգելու պատրաստակամության մասին, պատասխան չկա»,- ասել է նա:
Ինչպես ընդգծել է ՌԴ ղեկավարը, «Մոսկվան մանրամասնորեն վերլուծում է աշխարհառազմավարական և ռազմաքաղաքական ներկա իրավիճակը և կանխատեսում զարգացման հնարավոր տարբերակները»: Այդ կապակցությամբ Պուտինը նշել է, որ 2020 թ. ավարտվել է պետական պաշտպանության պլանավորումը՝ հաջորդ հինգ տարվա համար: «Հիմնական եզրակացությունն ակնհայտ է: Մենք շարունակելու ենք ակտիվորեն ու արդյունավետ զարգացնել զինված ուժերը, բարձրացնել նրանց մարտական պատրաստվածությունն ու արդյունավետությունը»,- եզրափակել է Պուտինը:
