ԱՄՆ նորընտիր նախագահ Ջո Բայդենն ու իր կինը երկուշաբթի օրը կստանան կորոնավիրուսի դեմ պատվաստանյութի առաջին չափաբաժինը: Այս մասին տեղեկացրել է երկրի ղեկավարի քարտուղարը՝ փոխանցում է Al Jazeera-ն:
Նախօրեին էլ կորոնավիրուսի դեմ պատվաստվել են փոխնախագահ Մայք Փենսն ու Ներկայացուցիչների պալատի խոսնակ Նենսի Փելոսին:
Միաժամանակ Միացյալ Նահանգներում կորոնավիրուսով վարակման վիճակագրական տվյալների համաձայն՝ գրանցվել է 17 մլն 888353 դեպք: Մահացության ընդհանուր ցուցանիշը 320845 է: Այս երկրում ապաքինվել է 10 մլն 394286 մարդ:
