ՌԴ նախագահ Վլադիմիր Պուտինը շնորհավորել է Ջո Բայդենին՝ ԱՄՆ նախագահի ընտրություններում տարած հաղթանակի կապակցությամբ: Այս մասին հայտնում է Al Jazeera-ն:
Կրեմլի պաշտոնական կայքից տեղեկանում ենք, որ ՌԴ նախագահը շնորհավորական հեռագիր է հղել ԱՄՆ նորընտիր նախագահին:
Կրեմլի ղեկավարը ամերիկացի պաշտոնակցին մաղթել է հաջողություններ՝ նշելով, որ համաշխարհային անվտանգության համար պատասխանատվություն կրող Ռուսաստանն ու ԱՄՆ-ը, չնայած տարաձայնություններին, կարող են իրապես նպաստել այն շատ խնդիրների ու մարտահրավերների լուծմանը, որոնց բախվում է աշխարհը:
