Այսօր մեկնարկում է Վրաստանի 10-րդ գումարման խորհրդարանի առաջին նիստը, որում բացման խոսքով հանդես կգա երկրի նախագահ Սալոմե Զուրաբիշվիլին՝ գրում է Aliq.ge-ն:
Ընտրական շեմը հաղթահարած 9 կուսակցությունից այսօր խորհրդարանում կլինեն միայն իշխող «Վրացական երազանքի» 90 պատգամավորները: Ընդդիմության բոլոր 60 պատգամավորները շարունակում են բոյկոտել և հրաժարվում են մտնել խորհրդարան:
Խորհրդարանի շենքի մուտքերի դիմաց արդեն հավաքվել են տասնյակ քաղաքացիական ակտիվիստներ, որոնք բողոքի ակցիա են անցկացնում և «ստրուկներ» վանկարկումներով դիմավորում իշխանական պատգամավորներին:
