Դեկտեմբեր 1-ին քրեական ոստիկանության գլխավոր վարչության թմրամիջոցների անօրինական շրջանառության դեմ պայքարի վարչության և Շենգավիթի բաժնի ծառայողները մայրաքաղաքի տարբեր փողոցներից, ապօրինի թմրամիջոց պահելու և օգտագործելու կասկածանքով, բերման են ենթարկել վեց քաղաքացու։ Նրանց անձնական խուզարկությամբ հայտնաբերվել է մարիխուանա տեսակի թմրամիջոց, մեկի գրպանից՝ նաև դանակ:
Հետագա միջոցառումներով պազվել է, որ հիշյալ անձանց թմրանյութն իրացրել էր Բագրատունյաց պողոտայի 55-ամյա մի բնակիչ: Նա բերման ենթարկվեց ոստիկանության Շենգավիթի բաժին: 55-ամյա տղամարդու անձնական խուզարկությամբ հայտնաբերվել է 8 փաթեթ մարիխուանա:
Հարուցվել է քրեական գործ։ Բերման ենթարկված տղամարդը կալանավորվել է։
Կատարվում է նախաքննություն։
