Վարչապետ Նիկոլ Փաշինյանն ԱԺ-ում հարցուպատասխանի ժամանակ տեղեկացրեց՝ նոյեմբերի 9-ին ստորագրված եռակողմ փաստաթղթին կից որևէ հավելված, այլ փաստաթուղթ գոյություն չունի: Անդրադառնալով բանակցային գործընթացին, Փաշինյանը տեղեկացրեց՝ առաջիկայում սպասվում է ԵԱՀԿ Մինսկի խմբի համանախագահների այցը տարածաշրջան:
«Կան նաև որոշակի անորոշություններ, որոնք պետք է հստակեցվեն բանակցային գործընթացում: Այս պահին որևէ կոնկրետ թուղթ չկա սեղանին դրված, բայց բանակցություններ պետք է տեղի ունենան, որտեղ բազմաթիվ անորոշություններ պետք է որոշակիացվեն»,- ասաց նա:
Գերիների, մարմինների փոխանակման վերաբերյալ վարչապետը տեղեկացրեց, որ ամենօրյա աշխատանք է տարվում այդ ուղղությամբ և ցավոք այդ աշխատանքները դեռևս չեն հասել իրենց հանգուցալուծմանը , բայց ամեն ինչ կանեն, որ օր առաջ դա տեղի ունենա:
