Թուրքիայի առողջապահության նախարար Ֆահրեթին Քոջան ասել է, որ Անկարան չի գնի ռուսական կորոնավիրուսի պատվաստանյութը լաբորատոր ստանդարտներին անհամապատասխանության պատճառով, հայտնում է ՏԱՍՍ-ը:
Ավելի վաղ նախագահ Էրդողանը հայտարարել էր, որ Թուրքիան քննարկում է Ռուսաստանի և Չինաստանի հետ կորոնավիրուսի դեմ պատվաստանյութեր գնելու հնարավորությունը:
Էրդողանը նախագահ Վլադիմիր Պուտինի հետ քննարկել է Ռուսաստանից COVID-19 պատվաստանյութերի ներկրումը: Էրդողանը նշել է նաև, որ Թուրքիան աշխատում է COVID-19- ի դեմ սեփական պատվաստանյութ ստեղծելու ուղղությամբ:
Թուրքիան արդեն 50 միլիոն դեղաչափ պատվաստանյութ է պատվիրել չինական SinoVac ընկերությանը և բանակցում է BioNTech-ի հետ համատեղ Pfizer-ի կողմից մշակված պատվաստանյութ գնելու շուրջ:
