Հանրապետության տարածքում դեկտեմբերի 9-ին առանձին շրջաններում, 10-ի գիշերը շրջանների զգալի մասում, ցերեկը Վայոց ձորում և Սյունիքում, ժամանակ առ ժամանակ սպասվում են տեղումներ, լեռնային և նախալեռնային շրջաններում՝ ձյան տեսքով:
Դեկտեմբերի 11-13-ն սպասվում է առանց տեղումների եղանակ: Առանձին վայրերում գիշերը և առավոտյան ժամերին սպասվում է մառախուղ։ Քամին հարավարևելյան է՝ 3-8 մ/վ: Օդի ջերմաստիճանն էապես չի փոխվի։
Երևանում դեկտեմբերի 9-ին, 10-ի գիշերը ժամանակ առ ժամանակ սպասվում են տեղումներ՝ թաց ձյան և ձնախառն անձրևի տեսքով։ Դեկտեմբերի 10-ի ցերեկը, 11-13-ն սպասվում է առանց տեղումների եղանակ։ Գիշերը և առավոտյան ժամերին սպասվում է մառախուղ։
