Դեկտեմբերի 8-ին՝ ժամը 21։30-ի դրությամբ, Թալինի, Մարալիկի, Արթիկի, Ախուրյանի, Արարատի տարածաշրջաններում ձյուն է տեղում։ Հրազդանի ավտոճանապարհներին և Արտաշավանի ճանապարհահատվածում տեղ-տեղ մերկասառույց է։
Վարդենյաց լեռնանցքը մերկասառույցի պատճառով ծանրաքաշ և կցորդիչով տրանսպորտային միջոցների համար դժվարանցանելի է։
Միջպետական և հանրապետական նշանակության բոլոր ավտոճանապարհները բաց են: Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով։
