Վենեսուելացիներն ընտրում էին միապալատ Ազգային ժողովի 227 անդամի: 107 քաղաքական ուժերից 14 հազար թեկնածու էր դիմել խորհրդարանում տեղեր ստանալու համար՝ գրում է ՏԱՍՍ-ը:
Վենեսուելայի ընդդիմության առաջնորդ Խուան Գուայդոն կոչ է արել քաղաքացիներին՝ հրաժարվել խորհրդարանական ընտրություններին մասնակցելուց և մնալ տանը:
Գործող կառավարության հակառակորդները՝ Գուայդոյի գլխավորությամբ, որը ներկայումս վերահսկում է խորհրդարանը, բազմիցս մեղադրել են իշխանություններին խախտումների համար ընտրություններին նախապատրաստվելու ընթացքում: Դա հանգեցրեց այն փաստին, որ ընդդիմության 27 կուսակցություն որոշեց բոյկոտել դեկտեմբերյան ընտրությունները: Սակայն այս քաղաքական ուժերի որոշ ներկայացուցիչներ մասնակցել են մրցավազքին:
Միաժամանակ, երկրի նախագահ Մադուրոն հայտարարել է, որ պատրաստ է թողնել պաշտոնը, եթե ընդդիմությունը հաղթի:
Ըստ վերջին տեղեկությունների՝ հաշվարկվել է ձայների 82%-ից մի փոքր ավելին, իսկ մասնակցության ցուցանիշը կազմել է 31%: Ստացված արդյունքի համաձայն՝ նախագահամետ բլոկը ստացել է 67.6% ձայն: Երկրորդ տեղում է Ժողովրդավարական դաշինքը, որը ներկայացնում է ընդդիմադիր կուսակցությունները:
ԱՄՆ-ը, Կանադան և Կոլումբիան արդեն հայտարարել են, որ չեն ճանաչում ընտրությունների արդյունքները:
