«Ճանապարհային դեպարտամենտ»> ՊՈԱԿ-ից տեղեկացնում են, որ դեկտեմբերի 5-ին՝ ժամը 17։30-ի դրությամբ, Արթիկի տարածաշրջանում ձնախառն թույլ անձրև է տեղում։ Անիի տարածաշրջանի ավտոճանապարհներին և Դիլիջանի ոլորաններում մառախուղ է, տեսանելիությունը՝ 30-50 մետր։
Միջպետական և հանրապետական նշանակության բոլոր ավտոճանապարհները բաց են:
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով։
