Հրապարակվել են ԱԱՏՄ տարեկան ծրագրերը, թե ինչ հիմնական անելիքներ ու ստուգումներ են նախանշվում 2021 թվականին:
«ՀՀ առողջապահական և աշխատանքի տեսչական մարմնի կառավարման խորհուրդը հաստատել է ԱԱՏՄ 2021 թ․ տարեկան ծրագիրը, ստուգումների և որակի վերահսկողության տարեկան ծրագրերը և ՀՀ առողջապահական և աշխատանքի տեսչական մարմնի 2021 թ․ պահպանման ծախսերի նախահաշիվը․ ծրագրերը՝ ԱԱՏՄ պաշտոնական կայք-էջում՝ https://www.hlib.am/applications/։
2021 թ․ ընթացքում նախատեսվում է իրականացնել 266 ստուգում՝ 241 տնտեսվարող սուբյեկտի մոտ՝ ըստ չորս բնագավառի, որոնցից` 186 բարձր ռիսկայնության, 67 միջին ռիսկայնության, 13 ցածր ռիսկայնության տնտեսվարողի մոտ։ Ստուգումների տարեկան ծրագրում որոշ տնտեսվարող սուբյեկտներ ներառվել են մեկից ավելի անգամ, եթե ռիսկային է համարվել մեկից ավելի ոլորտում։
Տարեկան գործունեության ծրագիրը բաղկացած է հետևյալ երեք բաժնից՝
1. ԱԱՏՄ վերահսկողության ոլորտների ընդհանուր իրավիճակ.
2. ԱԱՏՄ վերահսկողության ոլորտներում առկա խնդիրներ և բացահայտված ռիսկեր.
3. ԱԱՏՄ վերահսկողության ոլորտներում խնդիրների և ռիսկերի նվազեցմանն ու վերացմանն ուղղված, ինչպես նաև կանխարգելիչ և իրազեկման միջոցառումներ:
Երրորդ բաժինը ներառում է հետևյալ երկու հավելվածը՝
1. ԱԱՏՄ վերահսկողության ոլորտներում խնդիրների և ռիսկերի նվազեցմանն ու վերացմանն ուղղված միջոցառումներ.
2. ԱԱՏՄ կանխարգելիչ և իրազեկման միջոցառումներ՝ հայտնում են ԱԱՏՄ-ից:
