Եվրամիության վեց ոչ անդամ երկրներ միացել են Բելառուսի նկատմամբ ԵՄ պատժամիջոցներին: Այս մասին ասվում է Եվրամիության արտաքին հարաբերությունների գծով բարձրագույն հանձնակատար Ժոզեպ Բորելի հայտարարության մեջ՝ փոխանցում է ТАСС գործակալությունը:
«ԵՄ որոշմանը միացել են Եվրամիության թեկնածու երկրները՝ Հյուսիսային Մակեդոնիան, Չեռնոգորիան ու Ալբանիան, ինչպես նաև ազատ առևտրի եվրոպական գոտու պետությունները՝ Իսլանդիան, Լիխտենշտեյնն ու Նորվեգիան»,- ասվում է փաստաթղթում:
Ներկայումս Եվրամիությունը Բելառուսի նկատմամբ պատժամիջոցների կիրառման սև ցուցակում ներառել է 55 բելառուս պաշտոնյայի, այդ թվում՝ հանրապետության նախագահ Ալեքսանդր Լուկաշենկոյին: Նրանց արգելված է մուտք գործել ԵՄ տարածք: Եվրոպական բանկերում նրանց միջոցները, հայտնաբերման դեպքում, կսառեցվեն:
