Միջազգային ահաբեկչության օջախը Սիրիայում ոչնչացվել Է՝ հայտարարել է ՌԴ նախագահ Վլադիմիր Պուտինը՝ Սիրիայի նախագահ Բաշար Ասադի հետ տեսակոնֆերանսի միջոցով հանդիպման ժամանակ:
«ՌԴ-ն շարունակում Է ակտիվ ջանքեր ներդնել Սիրիայի Հանրապետությունում երկարաժամկետ կարգավորմանը, նրա ինքնիշխանության վերականգնմանը, անկախությանը, միասնությանն ու տարածքային ամբողջականությանը աջակցելու ուղղությամբ: Այդ առնչությամբ չի կարելի չնշել նաև այն աշխատանքի արդյունավետությունը, որն անցկացվել Է Աստանայի համաժողովի շրջանակներում՝ Իրանից և Թուրքիայից մեր գործընկերների մասնակցությամբ: Համատեղ ջանքերով մեզ հաջողվել Է շատ բանի հասնել. միջազգային ահաբեկչության օջախը Սիրիայում փաստորեն ոչնչացվել Է»,- Կրեմլի պաշտոնական կայքի փոխանցմամբ՝ ասել է ՌԴ նախագահը:
Պուտինի խոսքով՝ Սիրիայում նկատելիորեն նվազել Է բռնության մակարդակը, կարգավորվում Է խաղաղ կյանքը, իրականացվում Է բացառիկ քաղաքական գործընթաց՝ ՄԱԿ-ի հովանու ներքո: ՌԴ նախագահը խոսել է նաև Սիրիա փախստականների վերադարձի անհրաժեշտության մասին:
