ՀՀ առողջապահական և աշխատանքի տեսչական մարմնի արևմտյան տարածքային կենտրոնի աշխատակիցները ստուգայցեր են կատարել Վեդի և Արարատ քաղաքների ատամնաբուժարաններում, վաճառքի կետերում և գեղեցկության սրահներում։
Ստուգայցերը փաստել են՝ ատամնաբուժարաններում որոշ դեպքերում խախտվում է բժշկական թափոնների տեղափոխման պարբերականությունը։
Գեղեցկության սրահներում հաճախակի են ախտահանման ռեժիմի խախտումները։
Իսկ մանրածախ առևտրի կետերում արձանագրվում են հաճախորդների կողմից դիմակ չկրելու, ինչպես նաև գրանցամատյանների թերի լրացման դեպքեր։
Խախտումներ թույլ տված տնտեսվարողներին տրվել են հանձնարարականներ` անհապաղ վերացնելու խախտումները։
Անակնկալ ստուգայցերը, այդ թվում` կրկնայցերը, շարունակվում են՝ տեղեկացնում է ԱԱՏՄ-ն:
