Կանադական Օնտարիո նահանգում մեկ գիշերվա ընթացքում այրվել է երկու եկեղեցի, հաղորդում է կանադական CBC հեռուստակայանը՝ վկայակոչելով ոստիկանությանը:
Հաղորդվում է, որ միջադեպը տեղի է ունեցել Օնտարիոյի հարավարևմտյան մասում կիրակի գիշերը: Հրդեհը բռնկվել է միմյանցից յոթ կիլոմետր հեռու գտնվող եկեղեցիներում:
«Շատ կասկածելի է, որ միմյանց մոտ գտնվող երկու եկեղեցին անսպասելի հրդեհվել են միևնույն ժամանակ»,- ասել է տեղի ոստիկանության խոսնակ Քեվին Հոուն:
Չնայած հրշեջների ջանքերին՝ Սուրբ Անդրեյ եկեղեցու շենքը հնարավոր չի եղել փրկել: Ոստիկանությունը չի բացառում եկեղեցիների կանխամտածված այրումը: Զոհերի մասին տեղեկություններ չկան:
