Հունաստանը երկուշաբթի դատապարտել է Թուրքիայի ծրագիրը՝ հոկտեմբերի 28-ին՝ Հունաստանի ազգային օրը, Միջերկրական ծովում ծովային զորավարժություններ անցկացնելու վերաբերյալ: Այդ որոշումն Անկարան կայացրել է ՆԱՏՕ-ի գլխավոր քարտուղարի հայտարարությունից ժամեր անց, որում կոչ է արվում երկու երկրներին զորավարժությունները դադարեցնել ազգային տոների օրերին՝ գրում է Alarabiya-ն:
Թուրքիայի հետ լարվածության հարցը եղել է Հունաստանի և Ռուսաստանի արտգործնախարարների քննարկման հիմնական թեմաներից մեկը:
Հունաստանի կառավարության խոսնակ Ստելիոս Պեթսասն ասել է, որ Անկարայի քայլերը ցույց են տալիս, որ Թուրքիան «անվստահելի» գործընկեր է, երբ խոսքը վերաբերում է բանակցություններին:
