Իրանում երեկ մեկնարկել է Modafean Aseman Velayat կոդային անվանումով լայնածավալ զորավարժությունը, որն ընդգրկում է երկրի տարածքի կեսից ավելին և ընթանում է հակաօդային պաշտպանության (ՀՕՊ) ուժերի օպերատիվ ղեկավարման շտաբի վերահսկողությամբ, գրում է Ermenihaber-ը։
«Զորավարժությունների գլխավոր նպատակը Իրանի ռազմավարական օբյեկտների պաշտպանությունն է»,- հայտարարել է Իրանի ՀՕՊ ուժերի ներկայացուցիչ գեներալ Աբաս Ֆարաջփուրը։
Հակաօդային պաշտպանության ուժերի վարժանքները կենտրոնացած են հատկապես անօդաչու թռչող սարքերը ոչնչացնելու վրա։
Զորավարժության ընթացքում առաջին անգամ օգտագործվել են ամբողջովին իրանական արտադրության և նոր սերնդի սարքավորումներ ու զինատեսակներ։
