Մասնատված աշխարհը չկարողացավ համարժեք դիմակայել համաճարակին, ուստի անհրաժեշտ է համաձայնեցված գործողություն, հակառակ դեպքում միլիոնավոր մարդիկ կհայտնվեն աղքատության և սովի մեջ: Նման նախազգուշացում է տարածել ՄԱԿ-ի գլխավոր քարտուղար Անտոնիո Գուտերեշը՝ հայտնում է Daily Mail-ը:
«COVID-19 համաճարակը լուրջ գլոբալ խնդիր է ամբողջ միջազգային հանրության համար: Ցավոք, սա փորձություն է, որին միջազգային հանրությունը մինչ այժմ չի կարողանում դիմակայել»:
Այն բանից հետո, երբ COVID-19-ով վարակված ամերիկացիների թիվը գերազանցեց 8 միլիոնը, ԱՄՆ նախագահ Դոնալդ Թրամփը կոչ է արել տնտեսական խթանման նոր փաթեթ ներկայացնել:
Եվրոպան էլ, որը հաջողությամբ հաղթահարեց վարակի առաջին ալիքը, դարձել է կորոնավիրուսի նոր էպիկենտրոնը: Անցյալ շաբաթ տարածաշրջանում գրանցվել է օրական միջինը 140,000 վարակի դեպք:
Եվրոպական պետությունները միջոցներ են ձեռնարկում նոր բռնկումը զսպելու համար: Որոշ երկրներում փակվում են դպրոցներն ու ռեստորանները, չեղարկվում են ծրագրված վիրահատությունները, բժշկականի ուսանողների են հավաքագրում վարակի դեմ պայքարի համար:
