Արման Դիլանյանին Հայաստանի Հանրապետության Սահմանադրական դատարանի նախագահի պաշտոնում ընտրվելու առիթով շնորհավորագիր է հղել Ռուսաստանի Դաշնության Սահմանադրական դատարանի նախագահ Վալերի Զորկինը: Շնորհավորական հեռագրում մասնավորապես ասված է. «Իմ և իմ գործընկերների անունից սրտանց շնորհավորում եմ Ձեզ՝ Հայաստանի Հանրապետության Սահմանադրական դատարանի նախագահի բարձր պաշտոնում ընտրվելու առթիվ: Ակնկալում եմ, որ մեր դատարանների միջև ձևավորված հարաբերությունները այսուհետ ևս կզարգանան արդյունավետ համագործակցության ոգով»:
Իր պատասխան նամակում ՍԴ նախագահ Արման Դիլանյանը շնորհակալություն է հայտնել ռուս գործընկերոջը շնորհավորական հեռագրի համար և հույս է հայտնել, որ երկու դատարանների միջև երկարամյա գործակցությունն անշեղորեն կամրապնդվի և կընդգրկի իրավական համագործակցության ամբողջ շրջանակը:
