Այս օրերին մեր կամավորներն իրականացնում են կարիքների գնահատում ղարաբաղյան հակամարտության սրման հետևանքով ինքնաբուխ Հայաստան տեղափոխված մարդկանց շրջանում։ Այս մասին տեղեկացնում է ՀԿԽԸ-ից:
«Հայկական Կարմիր խաչի ընկերությունը՝ որպես աջակցող կառույց Կառավարությանը մարդասիրական ոլորտում, Հայաստանի Հանրապետության Կառավարության և տեղական ինքնակառավարման մարմինների հետ համակարգմամբ, խիստ կարիքի վրա հիմնված մարդասիրական աջակցություն է տրամադրում այս մարդկանց՝ սննդի, հագուստի, հիգիենիկ, առաջին անհրաժեշտության և անկողնային պարագաների, բժշկական սարքավորումների տեսքով»,- ասված է հայտարարությունում:
