Սեպտեմբերի 27-ից մինչև այսօր առաջին անգամ արցախա-ադրբեջանական սահմանին գիշերը հարաբերական կայուն լարված է եղել:
Հիմա հարաբերական հանգիստ է՝ առավոտյան ասաց Արցախի նախագահի խոսնակը, բայց սա չի նշանակում, որ պատերազմն ավարտվել է, մեր զինվորները կազմ-պատրաստ սահմանին են: Մեր հետախուզությունը նաև նոր մանրամասներ է բացահայտել. ադրբեջանական կողմի բոլոր դիակների գրպաններում ներարկիչներ են գտել:
Վահրամ Պողոսյան (Արցախի նախագահի խոսնակ) - Սա նշանակում է, որ Ադրբեջանը պատերազմի է ուղարկում իր զինվորներին թմրեցված վիճակում։
Ահաբեկչական մարտավարությամբ նաև առաջնագծի տարբեր ուղղություններում մահացած զինվորները Ադրբեջանի ազգային փոքրամասնություններից են: 148 այլազգի զինվոր է զոհվել, մի քանի զոհ կա՝ ազգությամբ թալիշ: Սա Ադրբեջանի կողմից ազգային փոքրամասնություններին վերացնելու քաղաքականություն է:
Վահրամ Պողոսյան - Երկրորդ համաշխարհայինի վերլուծությունը ցույց է տվել, որ 18 տղամարդուց մեկն է ռազմաճակատ գնացել, իսկ արցախցիներից՝ 3-ից մեկը:
Գիշերվա մասին. մարտակարգերը բարելավելու համար հրետանային մենամարտեր, հակառակորդի կողմից զորաշարժի, որոշակի վերախմբավորումների փորձեր են արել, բայց բոլորը ժամանակին հայտնաբերել ու ճնշել են պաշտպանության բանակի մեր ստորաբաժանումները:
Սուրեն Սարումյան (Արցախի ՊԲ մամուլի հետ կապերի բաժնի պետի պաշտոնակատար) - Հակառակորդի կորուստները երեկվա դրությամբ կազմել են 130 ոչնչացված զինվոր, 260 վիրավոր, 29 տարբեր տեսակի զրահատեխնիկա, 3 ՏՕՍ, 13 ԱԹՍ:
Ու չնայած առանձին ուղղություններում նաև շարունակվել են փոխհրաձգությունները հրետանային ու հրաձգային զինատեսակներից, փոխգնդապետ Սարումյանը վստահեցնում է՝ այս պահին մենք պատրաստ ենք ցանկացած զարգացման:
