Վտանգի պահին նրանք մոռանում են տարիք, հասցե և առողջություն ու շտապում են Արցախ: Ռազմական գործողությունների առաջին օրվանից հազարավոր հայորդիներ կամավորագրվել են Արցախի պաշտպանությանը:
Արցախի Մարտունու շրջանում նաև թիկունքային հարցերն են կամավոր կազմակերպում: Մարդիկ անձնական միջոցներով շարունակում են աջակցել պաշտպանության բանակին: Արմինեն հերթական գիշերն է՝ չի քնում:
Ռազմաճակատ մեկնելուց առաջ տաք սնունդ՝ կամավորականներին: Ազգությամբ ասորի Նիկոլայն ասում է՝ կհաղթենք ու նույն տրամադրությամբ տուն կվերադառնանք:
Կամավորներն օրհնություն են ստանում, որ մեկնեն ռազմաճակատ: Մեկնում են ժպիտով, որովհետև հայրենի հողի համար է կռիվը:
Բարերարի աջակցությամբ Մարտունու շրջանից առաջնագիծ են ուղարկում սնունդ և անհրաժեշտ պարագաներ: Որքան պետք է՝ պատրաստ ենք: Սևակ սարկավագը չի վարանելու, կարիք լինի՝ ինքն էլ կմեկնի ռազմաճակատ:
