Մեր տղաների հուզմունքի ու հաղթանակի ձայները Արցախյան ռազմաճակատում հերթական անօդաչու թռչող սարքի կործանումից է... Հերթով սիրտ են տալիս էկրանից իրենց նայող հարազատներին. լավ ենք:
Գիշերը Ստեփանակերտի երկնքում հակառակորդի ևս երկու անօդաչու թռչող սարք է խոցվել: Օդային սահմանը խախտել են Harop հետախուզական և հարվածային 3 ԱԹՍ, 2-ը հայկական հակաօդային պաշտպանությունը ոչնչացրել է:
Ապա Պաշտպանության բանակը հրապարակեց այլ տեսանյութ, ցույց տվեց հակառակորդի կորուստները: Հերթական տեսանյութում ադրբեջանական բանակի զինծառայողների անձնական տվյալներն են.
Սրանք փաստացի 5-րդ սերնդի պատերազմներին բնորոշ գործողություններ են,- գրում է Պաշտպանության նախարարության ներկայացուցիչ Արծրուն Հովհաննիսյանը: Բացառիկ ու աննախադեպ է այս պատերազմի ոչ միայն թափն ու ծավալը, նաև՝ ռազմագիտական բաղադրիչը: Հրետանին և օդային հրետակոծման միջոցները գնալով ավելի են խաչասերվում:
Մեր հաղթանակի վերլուծությունը՝ հետո, իսկ առաջին գծում կանգնած մեր տղաները վստահեցնում են:
