Սա կենաց-մահու պատերազմ է, և մենք այս պատերազմը հաղթելու ենք՝ հայտարարեց Արցախի նախագահ Արայիկ Հարությունյանն այսօր ճեպազրույցի ժամանակ։ Նա ընդգծեց, որ ամեն օր հիանում է Արցախում, Հայաստանում ու Սփյուռքում ապրող հայրենակիցներով։
ԱՀ նախագահի խոսքով՝ չեն հասցնում կամավորականներին համապատասխան կազմակերպչական աշխատանքներ իրականացնելով կատարել մարտական դիրք զբաղեցնելու և հող հայրենին պաշտպանելու նրանց ցանկությունը։
Անդրադառնալով Ադրբեջանի իշխանություններին՝ Հարությունյանն ասաց. «Նման վարքագիծ ունեցող իշխանության հետ որևէ երկխոսություն հնարավոր չէ։ Թուրքիայի լկտիությունը դուք ամեն օր տեսնում եք։ Մենք կռվում ենք, մենք մարտնչում ենք թուրք-ադրբեջանական համատեղ ուժերի դեմ, և դա ընդհանուր ծրագիր է»։
