ՀՀ Ազգային ժողովի «Իմ քայլը» խմբակցության պատգամավոր Վարազդատ Կարապետյանը գրառում է կատարել Ֆեյսբուքի իր էջում, որում կոչ է արել ցանկացած կամավորական աշխատանքի, ներդրման, օգնության և այլ հարցերով դիմել համայնքների ղեկավարներին, ապա՝ մարզպետներին։
«Սիրելի՛ ընկերներ, այսօր Կառավարությունը ստեղծել է հրատապ խնդիրները համակարգելու մեխանիզմ։
Ցանկացած կամավորական աշխատանքի, ներդրման, օգնության և այլ հարցերով դիմեք համայնքների ղեկավարներին, ապա՝ մարզպետներին։
Հիանալի է մեր ժողովրդի ինքնակազմակերպման ունակությունը, բայց այսօր մեզ համակարգված ու մեկ կենտրոնից ղեկավարվող աշխատանք է պետք։
Խնդրում եմ, համաձայնեցրեք ձեր գործողությունները նշված մարդկանց հետ»,- գրել է պատգամավորը:
